ZAMAN canggih, baik kakanakan maupun urang tuha, lakian wan binian pasti ada baisian handpone alias hp. Kada katinggalan jua, guru honor kaya Palui ini lawas sudah baisian hp. Biar haja hp jadul tapi kawa bahubungan wan urang lain atau anak bini di rumah.”Barapa sabulan Mak, ikam maisi pulsa hp ikam?” takunPalui ka Tulamak.
“Kada kahitungan, apalagi salawas aku duda wayah ini, bahanu rancak batilponan wan binian?” sahut Tulamak.
“Wayah ini Lui ai, bila ada pulsa urusan lancar,” jar Garbus manyela pamanderan.
“Dahulu ada duit urusan lancar atau ADUL singkatannya, sampai wayah ini kalu itu?” jar Palui batakun.
“Handak baurusan apa haja, baiknya wan duit, jangan saliur-saliur haja, bisa bapander,, urang nang dudi maingatakan, kada kawa lagi itu dibantu, urangnya pamalar…,” sahut pulang Tulamak nang banyak baisi pangalaman baurusan wan urang lain.
“Jadi parlu banyak duit jualah dalam kehidupan ini?’ jar P[alui sambil manggut-manggut.
Disahuti ulih Garbus.”Iya banar Lui ai?”
Malamnya Palui di rumah takumpulan batiga baranak. Kanapakah kada seperti biasa nang bini nang bini kada manyajikan makan malam ka Palui.”Oi… umanya, mana nasi wan iwak kada bakaut lagi. Malam sudah jam satangah sambilan…,” takun Palui ka bini.
“Sudah makan kalu di rumah bini kadua, baa pa ulun manyadiakan gasan,Pian?” sahut nang bini maraju manutup ka lawang kamar.
“Lakasi umanya Amat, bukai lawang kamar, kita bapanderan, wan anak jua manyaksikannnya…,” Palui marayu nang bini.
“Buka lawang kamar, Ma? Kasihan abah….,” sahut Amat marayu umanya.
“Handak napa buhan,Pian? Sudah jalas ada bini kadua!” jawab nang bini pina bakaras banar.
“Kaya ini umanyalah, Amat tahu jua sudah, aku ini nah kamana-mana selalu mambawa hp, kada mau tatinggal, makanya kuharagu banar hp ku ini biar hp nya jadul. Inya kuanggap seperti bini kadua haja bagiku. Ikam nyaman kalu, selalu kusahuti tarus mun ma sms atau menelpon?” jar Palui bahimat manjalasakan ka bini.
“Oh damintukah sakalinya, paham ulun. Jadi itu kaya isu murahan haja, kabar pian babini dua, supaya rumah tangga kita berantakan,” ujar nang bini manarik ka tangan laki mambawa masuk ka kamar. Himung Palui. (aan)
Tidak ada komentar:
Posting Komentar